Vaskur

6 ára í dag

Já, þennan dag fyrir 6 árum fæddist ég, hundurinn Vaskur :) Kannski. Allaveganna svona hér um bil. Það nefnilega veit í raun enginn hvenær ég fæddist. Þegar ég var lítill hvolpur tók mig einhver og keyrði með mig út í hraun og skildi mig þar eftir í myrkrinu og kuldanum. Þetta var um miðjan vetur og 10 stiga frost úti. Ég hefði dáið þarna úti í frostinu ef að hestakona hefði ekki komið auga á mig þar sem ég reyndi að fela mig skjálfandi í ræsi undir veginum. 

Ég held mér hafi aldrei liðið jafnvel eins og þegar hún stakk mér undir úlpuna sína og mér fór að hlýna aftur. Þegar við komum tilbaka í hesthúsið hitti ég rosalega skemmtilega stelpu og við urðum rosa góðir vinir. Svo góðir vinir að hana langaði til að fá að taka mig með heim. Þrátt fyrir að auglýst hafi verið eftir fyrri eiganda á forsíðu Fréttablaðsins var enginn sem kom og vitjaði mín. Enginn sem saknaði mín. Þannig að stelpan sem ég hafði hitt í hesthúsinu, hún Saga og fjölskyldan hennar, fengu að taka mig með heim.

Þar var sko mikið fjör. Fjögur börn til að leika við og brátt bættist það fimmta við. Það er sko aldrei leiðinlegt heima hjá mér. Ég þurfti samt að læra margt. Ég þurfti að skilja að það mátti ekki pissa inni og ekki glefsa í hin börnin. Þau þola ekki alveg jafnmikið og hinir hvolparnir. En ég var fljótur að læra og er bráðum búinn að eiga 6 frábær ár hjá þeim. Og ég er líka svo heppinn að í næsta húsi við mig býr falleg, ljóshærð tík sem er jafngömul mér. Hún er kærastan mín :)

En þar sem enginn vissi hvaðan ég kom, hvað ég væri gamall, nei, ekki einu sinni hvaða tegund ég væri, þá var bara ákveðinn afmælisdagur handa mér. Dýralæknir sem skoðaði mig hafði talið mig vera 8 vikna gamlan þegar ég fannst, þannig að þriðji október skyldi það vera. 

Takk fyrir 6 frábær ár!

Betri bein í bæinn
Vaskur

ps. ég er besti vinur mannsins á Facebook ;) 

Vel upp alið svín!

Svín eru ekki jafnvitlaus og margur heldur. Þetta svín er búið að læra ýmis "hunda-brögð" og leysir þau bara ágætlega :)

 

Betri bein í bæinn
Vaskur 

Tvíhöfða Python slanga

Í grískri goðafræði segir frá Lernæan Hydra, vatnaskrímsli sem var gætt þeim eiginleika að að ef eitt höfuð var hoggið af uxu tvö ný í staðinn - og hafði þetta skrímsli mörg höfuð. En kannski er þetta ekki bara goðafræði, því á Sri Lanka hefur fundist Python slanga með tvö höfuð og getur hún bitið og borðað með báðum höfðum. 

 

Þannig að ef þér var illa við slöngur fyrir, þá er tvöföld ástæða til þess að óttast þessa!

Betri bein í bæinn
Vaskur 

Býr með fíl

Í Odezza í Úkraínu býr kona með lítinn fílsunga - sem vex þó hratt. Fíllinn tekur virkan þátt í heimilislífinu og finnst gaman að hjálpa til í eldhúsinu - sérstaklega þegar verið er að flóa mjólk fyrir hann sem er uppáhaldið hans:

 

Betri bein í bæinn
Vaskur 

Hundur elur upp órangútan

Þessi litli munaðarlausi órangútan ungi býr í dýragarði í Englandi. Hans er gætt af níu ára gömlum Bulldog hundi og eru þeir bestu vinir, eins og þessar myndir sína glögglega:

 

Bestu vinir :)

Betri bein í bæinn
Vaskur 

Api tekur ástfóstri við ungabarn

Aðeins 24 daga gamalt barn á Indlandi hefur eignast auka-móður. Það er api nokkur sem tekið hefur ástfóstri við barnið og gætir þess sem það væri hans eigið. 

 

Já, svona góðar barnapíur eru vandfundnar ;)

Betri bein í bæinn
Vaskur 

Ótrúleg hegðun: Drykkfelldir apar í Karíbahafinu

Apar eru um margt líkir mannfólkinu, og á það bæði við um slæma og góða hegðun. Þessir litlu apar á Karíbahafseyjum bárust þangað með þrælum frá Vestur-Afríku og hafa aðlagast umhverfinu vel. Kannski fullvel, því aparnir hafa tekið upp drykkjusiði strandgesta og eru duglegir að snapa sér fría drykki á barnum. 

 

Það sem er einna áhugaverðast í þessu er hve skiptingin í drykkjuhegðuninni er keimlík þeirri hjá mannfólkinu. Skrýtnir þessir tvífætlingar ;)

Betri bein í bæinn
Vaskur 

Þegar kötturinn er úti leikur Putin sér - Vladimir Putin á tígrisdýraveiðum

Það eru fáir jafnmiklir töffarar eins og Vladimir Putin, fyrrverandi KGB leyniþjónustumaður og með svarta beltið í karate. Þessar myndir náðust af honum nýlega þar sem hann var út í skógi í Síberíu í tígrisdýraleit:

 

Betri bein í bæinn
Vaskur

 

Klókur ísbjörn njósnar um sel

Hér er annað myndbrot frá BBC tekið með njósnamyndavélunum þeirra. Í þessu myndbroti sjáum við ísbjörn njósna um sel sem liggur á ísjaka og skipuleggja veiðistrategíuna.

 

Klókur bangsi!

Betri bein í bæinn
Vaskur

 ps. Veist þú hver er besti vinur mannsins á Facebook? ;-)

Villtir Ísbirnir fara í fótbolta

BBC hóf nýlega sýningu á þáttum um ísbirni þar sem hægt er að sjá ótrúlegar myndir teknar með háþróuðum njósnamyndavélum. Þar á meðal þessar myndir af ísbjörnum sem fara í fótbolta eftir matinn:

 

Alltaf í boltanum? 

Betri bein í bæinn
Vaskur

ps. Veist þú hver er besti vinur mannsins á Facebook? ;-)