Úr smiðju skaparans

Snilldar-listamaður!

Þetta er Travis Malloy, snilldar listamaður sem "framkvæmir" hér listaverk á sviði. Tónlistin undir á myndbandinu er David Crowder Band - "Glory of it All". Ekki gefast strax upp á myndbandinu, það er þess virði að horfa á það til enda :)

 

Hjörtur

Sjálfsmynd af trommaranum af Bjarkartónleikunum

Ef þið hafið náð að sjá Biophilia tónleikana hjá Björk, hafi þið vafalítið tekið eftir trommaranum hjá henni, Manu Delago, sem er snillingur á slagverkinu. En honum er margt til lista lagt og hér í myndbandinu fyrir neðan má sjá hann teikna sjálfsmynd. Og þetta er ekkert venjulegt listaverk!

Pencilphonie No.1 in H♭² from Manu Delago on Vimeo.

 Augljóslega snillingur hér á ferð!

Hjörtur

 

Kseniya Simonova: Sögur úr sandi

Kseniya Simonova hefur farið eins og eldur í sinu um YouTube og netheima eftir að hún sigraði hæfileikakeppni í Úkraínsku sjónvarpi. Hæfileikar Kseniyu felast í frásagnagáfu hennar þar sem hún segir myndrænar sögur með sandi, teiknaðar á baklýsta glerplötu við undirleik dramatískrar tónlistar. 

Í þessu myndbandi minnist hún þess þegar Úkraína féll undir Þjóðverja í seinni heimstyrjöldinni með átakanlegum myndum sem hún skapar og eyðileggur og umbreytir í nýtt listaverk hvert á fætur öðru. Einstök listsköpun hér á ferð. Lokaorðin sem hún skrifar með sandinum eru "þú ert ávallt nærri".

Hjörtur

Jólaljósin í Disney

Drögum út nýjan vinningshafa á hverjum degi fram að jólum. Ert þú ekki örugglega orðinn fan á Facebook?

Það er jólalegt um að lítast í dag, á fyrsta í aðventu. Hvítur snjór yfir öllu og fólk í óða önn að setja upp jólaljósin. Sumir setja upp fleiri jólaljós en aðrir en fáir ef nokkrir hafa sett upp jafnmörg jólaljós og Osborne fjölskyldan í Little Rock í Arkansas. Það er augljóslega hægt að gera mjög jólalegt þó enginn sé snjórinn.

Þegar fjöldi ljósanna var kominn upp í milljón ljós var nágrönnunum nóg boðið og kærðu Osborne fjölskylduna. Þau gáfust hins vegar ekki upp og keyptu hús nágrannana og skreyttu þau líka og voru ljósin fljótlega komin yfir 3 milljónir. Þetta var farið að valda miklum vanda í öllu hverfinu vegna mikillar umferðar fólks sem var að koma og skoða ljósin auk ljós og hávaðamengunar. Á endanum kom Disney til bjargar og keypti ljósasýningu Osborne fjölskyldunnar og setti hana upp í Disney Studios í Orlando, Florida.

Nú er hægt að sjá ljósasýninguna á hverjum jólum í Disney. Þeir hafa haldið áfram í anda Osborne og bætt við um 2 milljónum ljósa. Ég get deilt með ykkur einu Disney leyndarmáli líka. Á hverju ári er falinn fjólublár köttur í jólaskreytingunum en kötturinn er úr hrekkjarvökuskreytingum Disney. Þannig að ef þið farið og upplifið jólastemninguna í Disney, þá getið þið haft augun opin fyrir honum líka.

Spurning hvort þetta verði einhverjum innblástur hér á landi í skreytingunum fyrir þessi jól.

Hjörtur

Drögum út nýjan vinningshafa á hverjum degi fram að jólum. Ert þú ekki örugglega orðinn fan á Facebook?

Magnaðar "bodypaint" myndir frá New Orleans

Líkamsmálun nær sjaldnast út fyrir andlitið hér á landi, en er þó stunduð sem listgrein af sumum. Craig Tracy í New Orleans er mikill listamaður þegar kemur að líkamsmálun. Líkaminn sem er málaður er oft aðeins hluti af listaverkinu. Við látum nokkur dæmi fylgja með hér að neðan:

Og nokkrar myndir af verkum Craig Tracy:

Hjörtur
(via bitrebels.com)

117 leikföng á einum LEGO kubbi - látin gossa!

Fólk hefur mismunandi áhugamál. Listamaðurinn Walker Wick hlóð 117 leikföngum ofan á einn stakan legokubb - sem var upp á rönd og tók það svo upp þegar hann lét upptrekkt leikföng ráðast á smíðina til þess að fella hana. Gjörið svo vel:

Hjörtur

(via BoingBoing)

ORKA úr iðrum Færeyja - hljómsveit sem spilar á drasl

Færeyingar hafa verið að geta sér gott orð sem tónlistarmenn, enda rík sönghefð í færeyskri menningu. Við þekkjum öll tónlistarfólk eins og Eivör, Brandur Enni, Teit og Boys in a band. Ný sveit, Orka, hefur verið að vekja mikla athygli á undanförnum mánuðum. Það sem gerir þessa hljómsveit einstaka er að hún spilar eingöngu á heimasmíðuð hljóðfæri, hljóðfæri sem er smíðuð úr gömlu drasli og verkfærum úr hlöðunni og sækir innblástur í þýskar iðnaðarrokksveitir eins og Einstuerzen Neubauten og frumdaga Kraftwerks. 

Hljómsveitin hefur verið að ferðast um Evrópu með franska tónskáldinu Yann Tiersen sem er þekktastur fyrir tónlist sína úr frönsku myndinni Amelie. Undirritaður var staddur á tónleikum í Færeyjum í síðustu viku þar sem Orka flutti nokkur lög ásamt söngkonunni Eivöru. Flutningurinn var eitthvað sem maður þarf að upplifa á staðnum. Tónlistin, eldglæringarnar, lyktin af smergelinu, lýsingin, allt skapar þetta einstaka stemningu sem erfitt er að gera góð skil í upptökum. En þið getið fengið forsmekkin í þessari stuttu heimildamynd um hljómsveitina og hljóðfærin hér að neðan:

Orka er útgefin af Tutl plötuútgáfunni í Færeyjum og er hægt að panta diska (og stundum vinyl) með færeyskum tónlistarmönnum á vefnum þeirra.

Hjörtur

Í kastljósinu

Athygliverður listgjörningur þar sem áhorfandinn er í aðalhlutverki. Access er gagnvirkur listgjörningur eftir Marie Sester. Ljósgeislanum er stjórnað af gestum á heimasíðu sem velja sér "sýniseintak" og festa geislann á viðkomandi. Þeir geta jafnframt beint hljóði að þeim sem stendur í geislanum og komið skilaboðum áleiðis. Myndbandið sýnir hvernig þetta virkar:



Hjörtur

Ekki er allt sem sýnist í fyrstu

Snilldar teiknari sem minnir okkur á að "first impression" gefur ekki alltaf alveg rétta mynd.



Ég hef nú oft séð fólk byrja á þessum teinkingum og áttaði mig aldrei á því að það væri virkilega þetta sem fólk væri að reyna að teikna :) Nú vitum við betur.

Hjörtur

Fjárhirðirinn og móðir hafsins - grænlenskt leirkallamyndband

Ég rakst á þetta skemmtilega leirkallamyndband eftir Ninnu Ottosen og Pitti Semsen sem byggir á grænlenskri þjóðsögu.



Hjörtur