Ljósakrónur geta tekið á sig ýmsar myndir, ekki hvað síst þegar skuggar og ímyndunarafl leggja lóð sín á vogaskálarnar. Adam Wallcavage hefur hannað ljósakrónur þar sem armar krónunnar hafa breyst í arma kolkrabba.
Krónurnar hanga yfir manni eins og risastórir kolkrabbar sem sveima um loftið og skuggarnar bæta enn á áhrifin. Krónurnar er hægt að nálgast í galleríi Jonathan LeVine og verðið er á bilinu 4-18.000 dollarar.
Hjörtur
Þegar þú hefur ekið á dekkjunum þínum í nokkur ár, er kominn tími til að fá sér ný. Spurningin er þá hvað verði um gömlu dekkin. Víða er þeim safnað saman í gríðarstór dekkjafjöll og ef kviknar í slíkum fjöllum spúa þau eiturefnum út í andrúmsloftið án þess að við nokkuð verði ráðið.
Carl Menary hefur hannað athygliverð sæti eða bekki sem eru búin til úr endurunnum hjólbörðum. Í þessu tilfelli er afurðin trú uppruna sínum og augljóst að um hjólbarða sé að ræða. Bekkina má nota hvort sem er innan dyra eða utan enda hafa vatn og vosbúð engin áhrif á sætin.
Carl Menary kallar þessa hugvitsamlegu endurnýtingu á hjólbörðum "Re-tyre".
Hjörtur
(via Yankodesign)
Krakkar elska kojur. Ef þú sýnir þeim venjulega kojur þá finnst þeim þær mjög "cool". Ef þú sýnir þeim þessar kojur frá Gudiksen í Danmörku, þá finnst þeim þær "óggslega cool".
Ef nútímahönnun er eitthvað fyrir þig, þar sem nýstárlegt útlit og hagnýt húsgögn fara saman, þá ætti barnaherbergið ekki að vera nein undantekning á því. Og þá koma Gudiksen kojurnar sterkar inn. Það er náttúrulega engin ástæða til að skilja börnin eftir útundan.
Hjörtur
Útlit og lögun marglyttna hefur heillað marga hönnuðina og við höfum áður séð húsbát sem sótti innblástur í þessa furðuveru hafsins.
Medusa ljósakrónan er annað dæmi um vel heppnaða hönnun sem sækir innblástur í þessa heillandi veru. Ljósakrónan sem er hönnuð af Géraldine Gonzales sem er samansett úr krystal-pappír (sérstökum plasthúðum pappír) og vírum, er upplýst með LED ljósum og kastar mjög sérstakri birtu á rýmið í kring, auk þess marglyttulögunin skapar sérstaka stemningu í herberginu.
Hjörtur
ps. ef þið viljið panta eitt stykki, þá getið sent Géraldine póst á gonzaldine (at) yahoo.fr. Verðið er $9.100
Þessi nýstárlegi en um leið þægilegi stóll er hugarfóstur dönsku hönnuðanna Lund & Partmann. Stólin hönnuðu þeir fyrir Verikon Furniture og kalla hann humar-stólinn.
Skelin er lamínerað tré með valhnotu áferð og að innan er hann bólstraður með umhverfisvænum Pantera svampi og klæddur leðri. Stóllinn er á stálfæti en situr þó ekki beint ofan á honum. Ef þið skoðið festinguna vel þá sjáið þið að það er nánast eins og stóllinn fljóti fyrir ofan fótinn.
Í þessu útliti er stóllinn mjög glæsilegur að sjá og virðist þægilegur. En hann er líka fáanlegur í litríkara og líflegra útliti í humarappelsínugulum lit.
...eða þannig. Þetta nafn er náttúrulega klassískt þýskt hugverk. En það er samt lítið klassískt við hönnunina, þó grunnelemtin sem notuð eru séu gamalkunn.
Stólkollsbekkurinn eða Stuhlhockerbank eins og hann nefnist á frummálinu er hugverk hönnuðanna Yvonne Fehling og Jennie Peiz. Á "ljóðrænan" hátt taka þau þekktar stærðir og festa þær í óþekktum afstöðum hverja frá annarri þannig að úr verður óvanalegur og "ólmstríður" setubekkur.
Kannski ekki sérlega hagnýt hönnun en ...
Hjörtur
Þetta er hönnun sem er viðeigandi, svona á laugardags"morgni". Þetta er legustóll frá StudioAV í Bretlandi sem er sérstaklega hugsaður fyrir timburmenni. Stóllinn sem kallaður er Maya Single Chair er útbúinn með vel staðsettum flatskjá og fullkomnu hljóðkerfi. Það er augljóslega ekki gert ráð fyrir að gaman gærkvöldsins hafa fært nokkuð með sér heim því ekki er pláss fyrir nema einn í stólnum og skjárinn og hljóðkerfið miðast við þennan eina einstakling.
Það eina sem vantar er hrá kótiletta til að skella á ennið og nokkrir nuddfingur í stólbakinu, og þá væri stóllinn fullkominn.
Hjörtur
Recent Comments