Úr smiðju skaparans

Með þakgarð á fjórum hæðum!

MEERA húsið ögrar hömlum umhverfisins með því að vera margþætt græn vin í þröngu stórborgarumhverfi. Staðsett á eyjunni Sentosa í Singapore þurftu hönnuðurnir að finna leiðir til að skapa grænt vistvænt umhverfi á örlitlum byggingarbletti með nágrannana þétt upp við húsið. Til að skapa næði voru reistir veggir meðfram lóðunum til hliðar við húsið en um leið reynt að skapa opið og bjart hús með aðlaðandi náttúrulegu umhverfi. 

Húsið er fjögurra hæð og ofan á hverri hæð er þakgarður, ekki bara með grasi eða lyngi heldur jafnvel heilu trjánum og runnunum.

Í miðju hússins er stigaop sem hefur það hlutverk að hleypa bæði birtu og sjávargolunni niður á allar hæðir hússins. 

Lýsing spilar líka stórt hlutverk í að skapa réttu stemninguna bæði inn í húsinu og utan þess þegar skyggja tekur. Takið eftir því hvernig undirlýstur gróðurinn býr til alveg ný munstur í loft og á veggi með skuggum sínum.

Sundlaugin verður á sama hátt sterkur hluti af heildinni með því að hafa heilan vegg á neðstu hæðinni sem hluta af sundlauginni sjálfri. Sundlaugin er ekki hefðbundin flísalögð laug heldur þaking fjörugrjóti sem gefur henni sterkan náttúrulegan blæ og skapar þannig einstakt útsýni og upplifun af umhverfinu innan úr húsinu.

Það voru GUZ Architects sem hönnuðu húsið. Ljósmyndirnar tók Patrick Bingham Hall.

Hjörtur
(via Freshome) 

Óperuhúsið í Izmir í Tyrklandi

Það er fleiri en Reykvíkingar sem eru með stór plön um glæsileg óperu og tónlistarhús. Yfirvöld í borginni Izmir á vesturströnd Tyrklands eru með samkeppni í gangi um hönnun á óperuhúsi borgarinnar og hafa nokkrar mjög spennandi tillögur borist í keppnina, eins og þessi frá Nuvist Architecture and Design í Istanbul. Við látum myndirnar tala sínu máli:

 

 

Hjörtur
(via Bustler)

Base jumparar stökkva af hæsta húsi í heimi

Burj Dubai, hæsti turn í heimi, var opnaður formlega á mánudaginn undir nýju nafni: Burj Khalifa. Turninn sem er 828 metra hár hýsir fjölda glæsiíbúða, skrifstofa og hótel sem hannað er af Giorgio Armani. Auk þess státar turninn af hæstu sundlaug í heimi (á 76 hæð) og hæstu mosku í heimi (á 128 hæð).

Turninn sem átti að vera eitt mesta stolt Dubai opnar þegar fasteignaverð hefur hrapað um 50% á innan við ári og undir nýju nafni, til heiðurs Khalifa, sjeikinum af Abu Dhabi sem bjargaði framkvæmdinni frá yfirvofandi gjaldþroti með því að dæla inn tugum milljarða dollara inn í ríkið.

Fyrr í dag settu tveir base jumparar nýtt heimsmet er þeir stukku úr toppi turnsins. Hægt er að upplifa með þeim stökkið í myndbandinu hér að neðan:

Visit msnbc.com for breaking news, world news, and news about the economy

Hægt er að lesa meira um opnun turnsins í msnbc.

Hjörtur

ps. Munið að gerast fans á Facebook!

Athyglivert safn um flóðbylgjuna miklu í Aceh í Indónesíu

Í Aceh í Indónesíu hefur verið reist umdeilt safn til virðingar við þá sem létu lífið í flóðbylgjunni á öðrum degi jóla 2004. Það sem er umdeilt við safnið er kannski ekki safnið sem slíkt, heldur hvort réttlætanlegt sé að eyða hundruðum milljónum króna í að reisa slíkt safn á meðan þúsundir eru enn heimilislausir eftir flóðbylgjuna.

Hvað sem því líður er arkitektúrinn eftirtektarverður og sérstæður. Höfundur hússins er indónesískur arkitekt, Ridwan Kamil. Safnið er er að mestu leyti úr gleri og er að utan í laginu eins og stór flóðbylgja. Að innan er fjöldi lítilla fossa sem gefa húsinu mjög sérstaka stemningu, sambland af undarlegri fegurð en á sama tíma er undirliggjandi hin ógnvænlega eyðilegging sem vatnið getur fært með sér.

Á safninu er að finna "flótta hæð" til þess að komast upp úr flóðhæð, og þar er líka veggur sem á verða letruð nöfn allra þeirra er létust í flóðbylgjunni. Meðal sýninga á safninu er rafknúið líkan sem sýnir jarðskjálftan sjálfan í Indlandshafi sem sendi hina 10 metra háu flóðbylgju yfir eyjuna, ljósmyndir frá hörmungum og sögur eftirlifenda.

Hjörtur
(via TrendHunter)

Tæknivæddar lúxusskrifstofur

Cybertecture Egg er ný hönnun skrifstofubyggingar sem á að rísa á Indlandi. Bygging er mjög óhefðbundin í útliti en hún er í laginu eins og egg og grunnhugmyndin er að þetta sé hin gagnvirka hönnun bygginga í framtíðinni, arkitektúr sem fyrirtækið kallar Cybertektúr. Enda kallar fyrirtækið sig Cybertecture International.

Byggingin sem er að rísa í Mumbai á Indlandi verður ein tæknivæddasta bygging heims. Hún verður umhverfisvæn en ofan á byggingunni verður 32.000 fermetra garður. Byggingin framleiðir sína eigin orku með vindmyllum og sólarrafhlöðum sem eru efst á byggingunni. Byggingin er jafnframt knúin sérstökum vatnshreinsibúnaði sem endurnýtir vatn til að skola niður úr klósettum og vökvunar á gróðri.

   

Umhverfið er ekki það eina sem skiptir máli, heldur líka heilsa þeirra sem vinna þar. Auk þess að vera búin öllum mögulegum lúxus til að skapa best vinnuumhverfi, eru baðherbergin með útbúnaði til þess að fylgjast með  m.a. þyngd og blóðþrýstingi.

Reiknað er með að byggingin verði tilbúin árið 2010.

 

Hjörtur
(via Trend Hunter)

Einskis manns land: arkitekt hannar lausn á Palestínudeilunni

Vatn er undirstaða alls lífs og tilefni átaka víða um heim. Í deilu Palestínumanna og Ísraela skiptir vatn miklu máli því aðgangur að ferskvatni er mjög takmarkaður í þeim heimshluta.

Phu Hoang arkitektastofan í New York lagði fram nýstárlega tillögu sem leyst gæti hluta af þeim pólitíska, efnahagslega og vistfræðilega vanda sem blasir við íbúum svæðisins. Um er að ræða þrjár tilbúnar eyjar í Dauðahafinu sem bjóða upp á dægradvöl, ferðamannaiðnað, orkuframleiðslu og vatnsframleiðslu.

Eyjarnar þrjár myndu tilheyra hlutlausu svæði utan við lögsögu nágrannaríkjanna. Ein eyjan er hugsuð til vatnsframleiðslu með sólartjörnum, sérstökum búnaði sem vinnur vatn úr rakanum í loftinu, vatnshreinsitönkum og hreinsibúnaði. Hinar eyjarnar tvær eru annars vegar eyja til framleiðslu sólarorku, bæði til eigin nota og til útflutnings og svo fyrir ferðamenn.

Hugmyndin hefur fengið mikla athygli enda nýstárleg hugmynd hér á ferð. Það er hins vegar auðvelt að ímynda sér að erfitt sé að fá samstöðu ríkjanna um eitthvað eins og þetta, eins og með flest annað sem þjóðirnar reyna að mynda samstöðu um. En mjög áhugaverð hugmynd engu að síður.

Hjörtur
(via Inhabitat)

Abod: Arkitektahönnuð hús fyrir Afríkumarkað

Abod húsin eru lítil, fjöldaframleidd hús sem eru hugsuð fyrir fátækustu svæði heims. Þau eru eins og braggi í laginu eða A en inni í boganum er búið að koma fyrir svefnlofti. Neðri hæðin er því fyrir eldhús og íveru á meðan milliloftið er til þess að sofa á.

Húsin eru fjöldaframleidd og allt sem þarf til þess að smíða húsið kemur í einum kassi, þar með talið verkfærin tvö sem þarf til það setja það saman, skrúfjárn og síll. Húsin eru þannig hönnuð að hægt er að senda þau af stað með litlum fyrirvara og í miklu magni, sem gera þau jafnframt að fýsilegum kosti sem húsnæði á neyðarsvæðum. Það á að taka fjóra menn aðeins einn dag að setja saman hvert hús.

Grunnflöturinn er 10x12 fet (3,3x4 metrar) en hægt er að bæta við öðru húsi til þess að stækka það eða teygja á boganum til að ná stærri grunnfleti. Verð húsanna er ekki nema 1.500 dollarar (um 120.000) og endingartíminn er áætlaður 20-30 ár. Það þýðir að fjölskyldur geta fengið örlán til þess að greiða fyrir húsin og eignast sómasamlegan íverustað.

 

Hægt er að fá ýmis konar gafla með gluggum, hurðum, verslunargluggum o.fl. Hægt er að lesa meira um þessi Abod húsin frá BSB Design hér.

Hjörtur

Ólympíu-arkitektúrinn í Peking

Nú styttist óðum í Ólympíuleikana í Peking og hamast smiðir og iðnaðarmenn við að leggja loka hönd á margra, margra milljarða framkvæmdir við nýbyggingar í Ólympíuþorpinu og leikvanginum. Fyrir þá sem ekki náðu ólympíulágmarkinu þetta árið, þá birti ég hér nokkrar myndir af mannvirkjunum sem verið er að reisa:

og meira hér: Ég finn fleiri myndir þegar byggingarnar verða alveg tilbúnar. Hjörtur (via Christine Lu)

Hús sem storka þyngdarlögmálinu

Meðfygljandi hús eiga það öll sameiginlegt að storka náttúrulögmálunum, og þá fyrst og fremst þyngdarlögmálinu. Þau líta út fyrir að geta ekki verið rétt.

Háa húsið er 13 hæða timburhús og þó ekki fullklárað. Það var í eigu rússnesks gangsters sem var stungið inn áður en hann náði að ljúka húsinu. En það náði þó að verða hæsta timburhús í heimi.

Öllu ótrúlegra er þetta hús frá Úkraínu sem stendur allt á einum stólpa sem er undir öðrum endanum á því. Og nei, það er ekki búið að eiga við myndina í Photoshop.

Hjörtur

Eiffelturninn endurhannaður

Efnt var til hugmyndasamkeppni um hvernig væri hægt að bæta móttöku- og veisluaðstöðu í Eiffelturninum í tilefni af 120 ára afmæli turnsins. Sigurvegarinn var Serero arkitektastofan sem kom fram með nýstárlega hugmynd.

Svæðið efst í turninum, sem er um 280 fermetrar að stærð, verður stækkað um 300 fermetra með því að bolta kevlar vængi utan á núverandi svalir. Með því stækkar svæðið til muna og gestir geta betur notið útsýnisins allan hringinn í kringum turninn. Ég veit samt ekki hversu mikið ég gæti notið þessarar stækkunar. Mér finnst nógu erfitt að fara upp í turninn eins og hann er þó ég væri ekki að vaða út á einhverjar risastórar plastsvalir.

Stækkunin er aðeins tímabundin og engar varanlegar breytingar verða gerðar á þessu sköpunarverki Gustave Eiffel.

Hjörtur
(via Yankodesign)