Króm

Blackberry lokun fækkaði umferðarslysum um 40%

Blackberry kerfið lá niðri í sameinuðu arabísku furstadæmunum í nokkra daga um daginn. Afleiðingarnar sem þetta hafði voru sláandi, en í Abu Dhabi fækkaði umferðarslysum um 40%, og um 20% í Dubai yfir þessa daga. 

Umferðarmenningin í þessum heimshluta hefur verið eftir reglunni "eins og fjandinn sé á hælunum á þér" og gerir það að verkum að þetta er með hættulegustu götum í heimi. Mikill hraði, kraftmiklir bílar og engin virðing borin fyrir umferðarreglum. En kannski þessar sláandi tölur um hversu mikið áhrif farsímanotkun í akstri sé að hafa verði til þess að menn fari að hugsa sig aðeins um - og þá víðar en bara í Arabíu.

Vendipunktur í arabískri umferðarmenningu?

Og leggðu nú í stæði á meðan þú lest þetta á símanum þínum ... ;)

Króm-Hjörturinn

Eins og belja á svelli

Það eru ísilagðar götur víðar en á Íslandi. Vinur minn sem er búsettur í Seattle í Bandaríkjunum sendi mér þetta myndband sem nágranni hans tók fyrir nokkrum dögum síðan. Það var vægast sagt hált í brekkunni hjá honum og hann er eiginlega bara feginn að hafa ekki verið út á stoppistöð þar sem strætóinn stoppaði ekki. Hann fór bara yfir stöðina. Sumir sluppu þó ótrúlega vel.

 

Ég þakka Andrew fyrir myndbandið.

Króm-Hjörturinn

 

"Happy hour" sem feilar!

 Happy hour í kvöld? Hér er alveg ný nálgun á auglýsingu til varnar akstri undir áhrifum áfengis. Ekkert blóð, engar sírenur, engin glerbrot. En áhrifarík saga engu að síður sögð með hjálp twitter, foursquare, facebook, linkedin og heimabankans:

Góða helgi

Króm-Hjörturinn

Vill leyfa hraðakstur gegn borgun

 Frambjóðandi í Nevada, heimafylki gleðiborgarinnar Las Vegas, vill bjóða upp á nýtt veðmál þar sem fólk getur veðjað lífi og limum á vegum fylkisins. Hann vill bjóða fólki upp á að aka á allt að 90 mílna hraða eða um 145 km hraða gegn 25 dollara þóknun. Leyfið gildir í 24 klst. og til þess að geta keypt slíkt leyfi þarf bifreiðin sem leyfið gildir fyrir að fara í gegnum öryggisskoðun. Með þessu reiknar frambjóðandinn að geta náð inn allt að 1 milljarði dollara eða 120 milljörðum íslenskra króna.

Það má kannski bera þessa hugmynd undir Blönduóss lögregluna. Það er ekki ólíklegt að margir væru tilbúnir til að borga smá þóknun fyrir að fá að aka aðeins hraðar í gegnum umdæmi þeirra án þess að eiga von á sekt og ólíklegt að fjármálaráðherra slái hendinni á móti smá aukapening.

Króm-Hjörturinn

Rússar að leika sér með loftpúða á verkstæðinu

Nokkrir rússar ákváðu að gera smá tilraun með loftpúða á verkstæðinu. Hér er árangur af tilraun 1:

Króm-Hjörturinn

Fimmtudagsfeillinn - ætla bara að "lauma" trukkinum yfir

Þegar þú ert á trailer með 30 feta tengivagn aftan í, þá er ekkert til sem heitir að lauma sér eitt eða neitt, eins og þessi bílstjóri komst að:

Best að taka enga sénsa þegar þú ert á móti heilli flutningalest. Hemlunarvegalengdin er vægast sagt í lengri kantinum ...

Króm-Hjörturinn

Tökum höndum saman - notum alltaf beltin

Króm-Hjörturinn

Myndir: Lamborghini ítölsku lögreglunnar ónýtur

Stolt bílaflota ítölsku lögreglunnar hefur verið tugmilljóna króna sportbíll af gerðinni Lamborghini Gallardo - hraðskreiðasti lögreglubíll veraldar og dýrasti bíll ítölsku lögreglunnar.

Bíllinn hafði verið til sýnis á starfskynningu fyrir námsmenn í bænum Cremona á Ítalíu. Samkvæmt vitnum reyndi ökumaður lögreglubílsins að sveigja frá bíl sem ók út frá bensínstöð og í veg fyrir Lamborghini-inn. Það tókst ekki betur til en svo að þeir lentu á tveimur kyrrstæðum bílum, Bens jeppa sem endaði ofan á Lamborghini-inum og gömlum Seat. Bíllinn er talinn ónýtur eftir áreksturinn. Lögreglumennirnir sluppu með lítilsháttar meiðsli, brotið rifbein og mar. Lamborghini-inn var gjöf til lögreglunnar frá framleiðendum Lamborghini árið 2004 og er knúinn 500 hestafla vél sem kemur honum í hundraðið á fjórum sekúndum.

Hér eru myndir úr árekstri lögreglunnar:

 

Króm-Hjörturinn
(myndir frá zaza.dk)

Af hverju eru Finnar svona góðir rallökumenn?

Kannski af því að þeir læra af mistökunum. Hér er tíu mínútna overdose af bílveltum og krössum úr finnskum rallýum. Og mig langar til að biðja ykkur um að taka eftir einu. Nánast allir bílarnir fara út af í utanverðri beygju og þar eru trén hættulegust. Þess vegna er mér með öllu óskiljanlegt þegar ljósastaurar eru staðsettir í utanverðri beygju þar sem þeir eru langlíklegastir til þess að skera bíla í tvennt sem koma á of miklum hraða í beygjuna. Þetta er eitthvað sem vegaverkfræðingar ættu að hafa í huga.

Það væri gaman að sjá svona syrpu af íslenskum krössum. Það er náttúrulega synd þegar ísenskir rallökumenn bjóða fjölmiðlum í ökuferð og velta svo einhvers staðar þar sem eru engar myndavélar ;)

Króm-Hjörturinn

ps. gerist fans á Facebook til að fylgjast með nýjum greinum og myndböndum ==>

Föstudagsumferðin: þegar flutningalestir eru hluti af umferðinni

Kannski er bara ágætt að það séu ekki lestir á Íslandi. Hugsið ef þær væru hluti af umferðinni á föstudagseftirmiðdögum. Þær eru það víða og oft fylgir því talsverð hætta, eins og við sjáum á þessu myndbandi. Aftanákeyrslur fylgja oft mikilli umferð og það er ekki gott að fá mörg þúsund tonna flutningalest aftan á sig, þó þú sért á 18 hjóla trukk:

Króm-Hjörturinn