Króm

Fimmtudagsfeillinn - ætla bara að "lauma" trukkinum yfir

Þegar þú ert á trailer með 30 feta tengivagn aftan í, þá er ekkert til sem heitir að lauma sér eitt eða neitt, eins og þessi bílstjóri komst að:

Best að taka enga sénsa þegar þú ert á móti heilli flutningalest. Hemlunarvegalengdin er vægast sagt í lengri kantinum ...

Króm-Hjörturinn

Föstudagsumferðin: þegar flutningalestir eru hluti af umferðinni

Kannski er bara ágætt að það séu ekki lestir á Íslandi. Hugsið ef þær væru hluti af umferðinni á föstudagseftirmiðdögum. Þær eru það víða og oft fylgir því talsverð hætta, eins og við sjáum á þessu myndbandi. Aftanákeyrslur fylgja oft mikilli umferð og það er ekki gott að fá mörg þúsund tonna flutningalest aftan á sig, þó þú sért á 18 hjóla trukk:

Króm-Hjörturinn

5 lönd á 10 mínútum

Sumarið er kominn og þá kemur ferðahugur í fólk. Sjálfur er ég þannig úr garði gerður að eftir svona 20 mínútur á ströndinni er ég orðinn eirðarlaus og þarf að fara að skoða eitthvað eða gera eitthvað. Þess vegna kann ég vel við mig á vegaferðalögum þar sem ég er stöðugt að koma á nýja staði og hef keyrt víða í Evrópu og Norður-Ameríku.

Sumir hafa þetta að atvinnu, og bílstjórinn í myndbandinu hér að neðan var beðinn um að skjótast í smá sendiferð. Sú sendiferð náði til nokkurra landa:



Góða ferð
Króm-Hjörturinn

ps. Til hvaða landa langar þig mest að keyra?

Þotuknúinn slökkvibíll

Þessi slökkvibíll er líklegri til þess að kveikja elda en að slökkva þá. Hann er knúinn þotuhreyfli úr rússneskri MIG orrustuþotu. Og til að rýma fyrir mótornum er búið að fjarlægja vatnstankana.

Bíllinn er 2003 árgerð af Ferrera dælubíl og knúinn áfram með stærsta túrbínumótor sem er í nokkru farartæki á landi. Mótorinn er 9 metra langur og tæpir 2 metrar í þvermál. Ekki fylgdi sögunni hversu mörg hestöflin eru né hver hámarkshraðinn er, en hann ætti að vera snöggur á vettvang ef það kviknar í (ekki að það sé mikil hjálp í honum þar).

Aftan á slökkvilbílum af þessari gerð er vanalegast skilti sem á stendur "KEEP BACK 500 FEET". Það er víst fullátæða fyrir aftan þennan. Krafturinn er svo mikill að hann getur þeytt jeppa í fullri stærð um koll.

       

Króm-Hjörtur
(via Trend Hunter)

Tatra trukkarnir ansi seigir

Ég rakst á þetta kynningarmyndband fyrir hina tékknesku Tatra trukka. Með meira en eina og hálfa öld að baki í framleiðslu flutningatækja hefur Tatra þróað verulega öfluga trukka sem henta vel fyrir erfiðar aðstæður. Hann gæti jafnvel valtað yfri Hummerinn, ef hann næði honum ;) Kíkið á myndbandið:

Króm-Hjörturinn

Rússnesk trukkamenning

Við höfum mjög gaman að heyra sögur af framandi umferðarmenningu. Einn af dyggustu lesendum Krómsins er Igor sem er trukkabílstjóri í Rússlandi. Hann sendi okkur eftirfarandi bréf af rússnesku þjóðvegunum:

I drive truck in Russia, and very true that roads in bad bad condition. Something must be done! Just last week, Igor truck hit pothole in this very road, and make me spill bottle of premium Soviet Vodka. Sure only 2 or 3 sips left in gallon container, but it principle of matter that anger Igor. If roads good, Igor not spill Vodka when driving at double speed limit, and if Igor not spill Vodka, probably not lose control of severely overloaded nuclear waste transport truck and crash into full Elementary school, and if truck not crash into school and spill contents, children not grow third eye on back. It make Igor mad, and children too, because now they glow green. To fix roads would solve many problem, prevent many vodka spills.

Na zdorovje!
Igor

Við báðum Igor um að senda okkur nokkrar myndir með af vegunum til að gefa okkur gleggri mynd af umferðarmenningunni. Hann sendi okkur þessar myndir:

Þetta er trukkurinn hans Igors:

og Igor er ekki einn um að aka á "þremur"

En það er kannski bara best að hafa sem fæst hjól þegar vegirnir eru svona holóttir:

Króm-Hjörturinn

(heimild 1 og 2)