Króm

Fimmtudagsfeillinn - hvernig á ekki að afhlaða sportbíl

Á að flytja sportbílinn eitthvert? Þá er hérna kennslumyndband í því hvernig þú átt ekki að taka hann úr flutningabílnum:

Króm-Hjörturinn

Fallegustu bílar sögunnar keppa á Ítalíu

Fallegustu bílar sögunnar er árlega sýndir á sýningunni Concorso D'Eleganza á Ítalíu. Að þessu sinni stillti BMW, styrktaraðili sýningarinnar fram tveimur bílum sem vöktu sérstaka athygli. Annars vegar var það uppgerður BMW 328 sportbíll frá árinu 1940 en slíkur bíll hefur ekki sést á sýningu í áratugi. Ekki nóg með það, heldur frumsýndi BMW líka nýja endurgerð bílsins:

Ekki amalegir bílar þar á ferð :)

Króm-Hjörturinn

Viðtal við Henrik Fisker, hönnuð Fisker rafbílanna

Hinn danski bílahönnuður Henrik Fisker segir hér frá hugmyndafræðinni á bak við Fisker rafbílin sem hlotið hefur mikla athygli á undanförnum mánuðum. Fisker starfaði sem hönnuður hjá BMW og Aston Martin áður en hann ákvað að fara út í eigin bílaframleiðslu byggða á nýrri hugmyndafræði, sem virðist vera að falla í góðan jarðveg.

Króm-Hjörturinn

Sportbílar í samdrætti

Það er enginn sem segir að maður eigi ekki áfram að geta notið þess góða og skemmtilega í lífinu þó maður þurfi að draga saman seglin. Það er nefnilega ekki magnið sem skiptir mestu máli heldur gæðin ;)

Sparneytnir smábílar eru heitustu bílarnir á markaðnum í dag en gallinn við þá er að þeir eru svo fj... "döll". Einn af þeim minnstu og sparneytnustu er Smart, bíllinn sem er svo lítill að þú getur lagt honum þvert í stæði. En til þess að það falli nú ekki á ímyndina, hvernig vær þá að skipta bara um yfirbyggingu á smartbílnum þannig að hann líti nú út eins og "alvöru-bíll".

Smart Corvette

Smart Lamborghini

Smart Ferrari

Og að lokum einn smart fyrir Íslenskar aðstæður - Smart Q3

Þeir eru svona næstum eins og þú gætir hafa fengið þá með barnamáltíðinni á McDonalds.

Króm-Hjörturinn

Krómið er hluti af Vefjakrot.is og er einn mest lesni bílavefur landsins. Þú getur fengið greinarnar í RSS áskrift eða í tölvupósti með því að skrá netfangið þitt hérna efst til hægri.

Bugatti Veyron væntanlegur í topplausri útgáfu

Ofursportbíllinn frá Bugatti, hinn 1001 hestafla Veyron, er væntanlegur í nýrri útgáfu, Bugatti Veyron 16.4 Grand Sport. Það sem gerir þessa útgáfu frábrugðna "gömlu" týpunni er að hægt er að taka af honum toppinn.

Breytingarnar á bílnum eru mun meiri en bara að toppurinn hafi verið klipptur af honum. Búið er að hækka framrúðuna og styrkja bílinn til þess að tryggja að öryggi farþeganna sé það sama og í harðtopps bílnum. Ljósunum hefur verið breytt örlítið og ýmsar aðrar smávægilegar breytingar hafa átt sér stað.

Það væri nú ekki leiðinlegt að setjast undir stýri á þessum :)

Ef þú skyldir nú lenda í því að það byrji að rigna þegar þú ert ekki með toppinn á, þá er bíllinn með "varatopp" úr taui sem opnast "eins og regnhlíf" að sögn Bugatti. Hins vegar lækkar það hámarkshraðann verulega að vera með þann topp á, en einungis má aka bílnum á 130 kílómetra hraða með slíkum toppi. Með harða toppinum á er hámarkshraðinn 252 mílur eða 403 km/klst og án topps er hámarkshraðinn 224 mílur eða 359 km/klst. Það ætti að duga flestum, alla veganna á hinum íslensku vegum.

Það er engin smá orka í þessum bíl

Aðeins 150 eintök verða framleidd af bílnum og fara 50 þeirra til "áskrifenda". Byrjað var að selja bílana fyrir helgi en verðmiðinn mun vera í kringum 1,4 milljónir Evra.

Hjörtur
(via autoblog.com)

Krómið er mest lesni bílavefur landsins. Þú getur fengið greinarnar í RSS áskrift eða í tölvupósti með því að skrá netfangið þitt hérna efst til hægri.

Sporðdrekinn - Vetnisknúinn ofursportbíll

Vetnisbílar hafa ekið eftir götum Reykjavíkurborgar í nokkur ár núna, en þeir hafa fæstir verið sérlega spennandi fyrir augað. Við höfum haft strætisvagna, litla Benz bíla og Toyota Prius. En það eru til bílar sem ganga fyrir vetni og eru allt annað en ofurhagkvæmir í útliti.

Sporðdrekinn eða The Scorpion er vetnisknúinn ofursportbíll frá fyrirtækinu Ronn Motor Company í Texas í Bandaríkjunum. Fyrirtækið hefur unnið að þróun hagkvæmrar og skilvirkrar nýtingar á vetni en Sporðdrekinn er fyrsti bíllinn frá fyrirtækinu.

Sporðdrekinn er engin máttvana umhverfisdolla með sportröndum, hér er á ferðinni alvöru sportbíll sem fer í hundraðið á 3,5 sekúndum. Vélin er tvinnvél sem gengur bæði fyrir vetni og bensíni og eyðir bíllinn aðeins 5,8 lítrum á hundraði.

Bíllinn verður fáanlegur fyrir 150.000 dollara eða um 11 milljónir króna. Hingað kominn væri hann þá á um 20 milljónir króna. Ronn Motor Company eru byrjaðir að taka niður pantanir og reikna með að fyrstu bílarnir komi á götuna vorið 2009. Aðeins er áætlað að framleiða 200 eintök af þessum sérstaka sportbíl.

Hjörtur
Vefjakrot.is
(via Trendhunter)

BMW Gina - taubíllinn!

BMW hefur enn og aftur brotið öll hefðbundin lögmál bílahönnunar í nýjasta hugmyndabílnum sínum, GINA. Bíllinn virðist í fljótu bragði vera ný týpa af Z4 bílnum en þegar betur er að gáð, þá kemur ýmislegt merkilegt í ljós.

Bíllinn er ekki klæddur áli eins og venja er. Utan um grind bílsins er strengdur dúkur sem gerir það að verkum að engin samskeyti eru á bílnum. Um leið er yfirborð hans breytilegt þannig að þegar ljósin eru slökkt sjást engin ljós. Þau birtast síðan eins og augu sem eru opnuð. Þegar hurðin er opnuð, sem opnast upp, þá eru engin hengsli eða samskeyti sem sjást, heldur krumpast efnið og sléttir úr sér aftur þegar hurðinni er lokað.

Ég mæli með því að þið skoðið myndbandið til þess að sjá hvernig þetta virkar í raun. Bíllinn er bara hugmyndabíll og hugsaður meira til þess að vera hönnuðum og verkfræðingum BMW innblástur heldur en að heilla almenning. Ég verð þó að játa að mér finnst þetta mjög heillandi hugmynd.

Króm-Hjörturinn
(via AutoBlog)

Á bak við tjöldin í Iron Man - Audi R8 og Q7

Eins og glöggir bílaáhugamenn hafa vafalítið tekið eftir leika Audi bílar stór hlutverk í Iron Man myndinni. R8 bíllinn er augljóslega uppáhalds farartæki söguhetjunnar þó í skúrnum hjá honum megi einnig sjá bíla eins og Shelby Cobra, Saleen S7 og Tesla rafmagnssportbílinn. Q7 bíllinn leikur svo stórt hlutverk í einu bardagaatriðanna.

John Favreau, leikstjóri Iron Man myndarinnar útskýrir hér áhættuatriðin með R8 og Q7 bílana frá Audi í aðalhlutverki.

Ekki slæm auglýsing.

Króm-Hjörturinn   

6 hjóla ofursportbíll - Covini C6W

Hver segir að bílar þurfi að vera með fjögur dekk? Þessi ofursportbíll hefur sex dekk og það sem fæst út úr því eru öflugri bremsur, aukinn stöðugleiki og þægilegri stýring en bíllinn er búinn með fjórhjólastýri. Markmiðið er að auka öryggið án þess að það komi niður á afköstum eða getu bílsins. Covini C6W er yfir 400 hestöfl og nær yfir 300 km/klst.

   

Bíllinn er afkvæmi hönnunar og þróunar hjá Covini Engineering sem fæst aðallega við smíði hugmyndabíla. Meðal annarra verka Covini Engineering eru Corvette Callaway C7 sportbíllinn og Dragon Fly, tveggja sæta fisþyrla.

Króm-Hjörturinn   

Var Aston Martin slysið sviðsett?

Það hefur eflaust ekki farið framhjá neinum bílaáhugamanninum að einn af Aston Martin bílunum sem verið er að nota við tökur á nýjustu James Bond myndinni endaði í Garda vatni í slysi sem varð í vikunni.

Samkvæmt fréttum var bílnum ekið á mikilli ferð í rigningu á kröppum vegi er bílstjóranum fipaðist og hann fór yfir vegrið, valt og endaði í vatninu. Bílstjórinn missti meðvitund og sökk 150 fet, eða 50 metra með bílnum áður en honum tókst að komast út úr bílnum og synda í land.

Jamie í TopGear skrifar um þennan atburð á blogginu sínu og varpar þar fram þeirri kenningu að þetta hafi kannski ekki varið slys, heldur sé um sviðsetningu að ræða til þess að auglýsa bæði bílinn og myndina. Markmiðið hafi verið að fá aukna fjölmiðla umfjöllun með "raunverulegu" slysi. Hvort sem slysið er raunverulegt eða ekki, þá tókst þeim svo sannarlega að fá aukna umfjöllun um Aston Martin og James Bond.

Við tökur á fyrri myndum hafa oftar en ekki gerst atburðir sem hafa komið Aston Martin og James Bond myndunum í fréttir um allan heim. Sem dæmi má nefna að furðu mikið var gert úr því við tökur á Casino Royal að Daniel Craig og Viggo Mortensen hefðu stolist til þess að keyra einn af bílunum þó þeir væru ekki tryggðir sem bílstjórar á þeim og var gert mikið mál úr því. Jamie hafði samband við Aston Martin og spurði þá út í þetta en þeir neita alfarið að þetta hafi verið skipulagt. Hér sé um raunverulegt slys að ræða.

Hvað heldur þú? Heldurðu að þetta hafi verið skipulagt til að auglýsa Aston Martin og næstu James Bond mynd?

Króm-Hjörturinn