Króm

Citroen kynnir nýjan rallýbíl, DS3

Citroen hefur átt nokkra gullmola í gegnum tíðina, og við fyrstu sýn virðist einn hafa bæst í konfektkassann þeirra: Citroen DS3 Racing. DS3 er lítill og nettur sportbíll hannaður fyrir WRC og er settur til höfuðs Clio 200 og Mini JCW - og hann hefur útlitið með sér.

DS3 er knúinn 1.6 lítra túrbóvél sem hefur áður sést í Mini Cooper bílnum en enn eru ekki búið að gefa upp nánari upplýsingar um hverju þessi litla vél getur áorkað en sagt er að hún eigi að koma bílnum upp í hundraðið á vel innan við 7 sekúndum.

Þar sem smábílar virðast vera málið á nýja Íslandi þá ætti þessi DS3 að geta heillað landann, lítill og nettur en með framúrskarandi aksturseiginleika fyrir íslenskar aðstæður. Og "lúkkar" líka vel :)

Króm-Hjörturinn

Af hverju eru Finnar svona góðir rallökumenn?

Kannski af því að þeir læra af mistökunum. Hér er tíu mínútna overdose af bílveltum og krössum úr finnskum rallýum. Og mig langar til að biðja ykkur um að taka eftir einu. Nánast allir bílarnir fara út af í utanverðri beygju og þar eru trén hættulegust. Þess vegna er mér með öllu óskiljanlegt þegar ljósastaurar eru staðsettir í utanverðri beygju þar sem þeir eru langlíklegastir til þess að skera bíla í tvennt sem koma á of miklum hraða í beygjuna. Þetta er eitthvað sem vegaverkfræðingar ættu að hafa í huga.

Það væri gaman að sjá svona syrpu af íslenskum krössum. Það er náttúrulega synd þegar ísenskir rallökumenn bjóða fjölmiðlum í ökuferð og velta svo einhvers staðar þar sem eru engar myndavélar ;)

Króm-Hjörturinn

ps. gerist fans á Facebook til að fylgjast með nýjum greinum og myndböndum ==>

Ken Block býður James May úr Top Gear í bíltúr

Munið þið eftir Ken Block sem breytti Imprezunni sinni í snjóbíl og ég skrifaði um í síðustu viku? Hann bauð James May í allsvakalegan bíltúr í sumar sem ég hugsa að James eigi aldrei eftir að gleyma, þó hann hafi nú upplifað eitt og annað á vegum úti.

Króm-Hjörturinn

Veltur og villtar rallýmyndir frá Nýja Sjálandi

Andfætlingar vorir á Nýja Sjálandi hafa sama dálæti á Rallýi og við hér á klakanum. Warwick Patterson fylgdist með Ken Block og Alex Gelsomino og ævintýrum þeirra í rallýinu á Nýja Sjálandi.

"Ef þú ert ekki skíthræddur í beygjunum, þá ertu ekki að fara nógu hratt". Þeir eru metnaðarfullir og reyna að fá eins mikið og mögulegt er úr bílnum sínum, og stundum aðeins meira.



Króm-Hjörturinn

Fornbílarallý HERO á Íslandi

Fornbílarallý HERO (the Historic Endurance Rallying Organisation) á Íslandi, (The HERO Classis Reliability Trial of Iceland) hófst við Ráðhúsið klukkan 9 í morgun. Í rallýinu mega eingöngu fornbílar taka þátt en það gengur meira út á ferðamennsku en hraðakstur. Í dag var fyrsti dagur rallýsins og var ekinn hringur frá Reykjavík til Þingvalla og þaðan áfram á Gullfoss og Geysi og tilbaka í átt að Reykjavík og endað í Bláa Lóninu.

Á morgun verður svo ekið frá Reykjavík og austur á Kirkjubæjarklaustur og síðan haldið áfram næstu daga eftir hringveginum. Ekinn verður allur hringurinn og endað við Perluna í Reykjavík seinni partinn á föstudag, 12. september. Hægt er að sjá dagskránna og viðkomustaði hér!

Alls eru 65 lið sem taka þátt í rallýinu frá 10 þjóðlöndum og ýmis konar fornbílum. Elsti bíllinn í flotanum er Bentley Tourer af 1928 árgerð en yngsti bíllinn er frá 1982. Ýmsa klassíska bíla má finna í flotanum, eins og Citroen bíla, Volvo kryppu og Volvo sportbíl eins og dýrlingurinn ók á, bjöllu, Jagúar, Triumph, Morris, MG, Aston Martin, Austin Mini og fleiri. Flestir eru bílarnir frá Bretlandi.

Þið getið skoðað fleiri myndir í gallerýinu.

Gallerý

Króm-Hjörturinn

Krómið er hluti af Vefjakrot.is og er einn mest lesni bílavefur landsins. Þú getur fengið greinarnar í RSS áskrift eða í tölvupósti með því að skrá netfangið þitt hérna efst til hægri.

Daníel og Ásta Íslandsmeistarar í ralli

Systkynin Daníel og Ásta á MMC Lancer Evo sigruðu Reykjavíkurrallið í gær og urðu þar með Íslandsmeistarar í ralli 2007. Þeim tókst að komast fram úr Jóni Bjarna og Borgari á Subaru Impreza á síðustu sérleiðinni og tryggja sér sigurinn eftir harða baráttu. Við óskum þeim til hamingju með sigurinn.

Á myndinni má sjá Daníel og Ástu í einni beygjunni við Kleifavatn í gær en þetta er það sjónarhorn sem flestir hafa séð þau frá í sumar, á eftir þeim.

Króm-Hjörturinn

Rally Reykjavik

Rally Reykjavik hófst í gær, en það er eina alþjóðlega rallýið á Íslandi (eru ekki einhverjir útrásarmöguleikar ónýttir þar?). Rallýið er nú samt sem áður ekki alþjóðlegra en svo að aðeins eitt erlent lið tekur þátt, hjónin Ian og Fraces Sykes á Land Rover. Ástæðan fyrir þessari skyndilegu fækkun erlendra liða er sú að breska hernum var bannað að taka þátt, en þeir hafa yfirleitt verið að senda 5-6 bíla.

Stöðuna í rallinu og dagskránna má sjá á rallyreykjavik.net.

Króm-Hjörturinn