Króm

Chevy El Camaro pallbíll

Munið þið eftir gömlu Chevy El Camino pallbílunum frá áttunda áratugnum? Það voru aldrei margir á götunum hér á landi, en þó einhverjir. Og ég veit um alla veganna einn sem enn er til.

GM hefur ekki birt neinar áætlanir um að endurvekja slíkan bíl en það þýðir samt ekki að það sé ekki hægt að láta sig dreyma. Einn photoshop-fær bílaáhugamaður hefur teiknað hann upp eins og hann gæti litið út, byggður á hinum nýja Chevrolet Camaro. Sami framendi en pallur að aftan. Og það verður að segjast eins og er að útkomandi er bara ansi laglegur pallbíll.

Króm-Hjörtur

(via Autoblog)

Teygjanlegur pallbíll

Það væri stundum ágætt að geta rúllað inn pallinum þegar maður er að leita að stæði í miðbænum. Ég meina, af hverju að vera að dröslast með pallinn niður í miðbæ þegar maður notar hann bara fyrir fjórhjólin á leiðinni út úr bænum?

PopSci hefur kynnt pallbíl framtíðarinnar, Extender Elastruck. Það sem gerir þennan pallbíl öðruvísi en aðra pallbíla, er að þegar pallurinn er ekki í notkun, rennur hann inn í bílinn og hann veðrur að stuttum jeppa. Síðan er pallurinn dreginn út aftur þegar með þarf.

Bíllinn er alvöru fjórhjóladrifinn pallbíll með fullvöxnum 4x8 palli (þegar hann er útdreginn), 5 sætum og 400 hestöflum. Bíllinn er knúinn tveimur rafmagnsmótorum sem eru 200 hestöfl hvor, annar að framan og hinn að aftan. Þeir eru ekki notaðir til að teygja á bílnum og lengja hann með því að keyra þá í sitthvora áttina, heldur eru þeir báðir notaðir til þess að knýja bílinn áfram.

Króm-Hjörturinn
(via Time4.com)