Króm

Veiddi Hummer upp úr tjörninni

Nú þegar öll vötn og tjarnir eru ísilagðar finnst mörgum freistandi að aka út á þær. En það fer ekki alltaf eins og planað er, eins og afi leikarans Travis Kraft komst að þegar hann var á veiðum í gegnum vök í Norður Dakota í Bandaríkjunum.

Afi Travis komst ásamt fjölskyldu sinni naumlega út úr bílnum þegar ísinn brotnaði undan honum þar sem hann var á akstri á annars þykkum og traustum ísnum. Í ljós kom að heit uppspretta var undir ísnum og hafði veikt hann til muna. Bíllinn sökk en lög kveða á um að fjarlægja verði bílinn strax. Þetta er myndbandið sem travis tók í björgunarleiðangrinum.

Króm-Hjörturinn

Dóttir nýrekins forstjóra GM fær kast á Facebook

Fritz Henderson framkvæmdastjóra GM var sagt upp störfum núna í vikunni. GM eða "Government Motors" eins og það er kallað núna, hefur átt mjög erfitt fjárhagslega og var bjargað frá gjaldþroti með innkomu ríkisins fyrir skemmstu. Uppsögnin tók strax gildi og tók Ed Whitacre við sem framkvæmdastjóri af Fritz Henderson.

Dóttir Fritz var að vonum ekki ánægð með fréttirnar og lét GM heyra það í skilaboðum sem hún skrifaði á vegg GM á Facebook. Við gefum Söru Henderson orðið:

"HE FUCKING GOT ASKED TO STEP DOWN ALL OF YOU FUCKING IDIOTS. IM FRITZ'S FUCKING DAUGHTER, AND HE DID NOT FUCKING RESIGN. WHITACRE IS A SELFISH PIECE OF SHIFT, WHO CARES ABOUT HIMSELF AND NOT THE FUCKING COMPANY. HAVE FUN WITH GM, I HOPE TO NEVER BUY FROM THIS GOD FORESAKEN COMPANY EVERY AGAIN. FUCK ALL OF YOU."

Já, nokkuð skýrt, en spurning hverjum þetta hafi hjálpað.

Króm-Hjörturinn

ps. munið að gerast fans á Facebook ==>

Chevrolet Camaro sportbíll úr Lego kubbum

Langar þig í nýjasta Chevrolet Camaro sportbílinn? Það gerði Crowkiller líka og hann tók málin bara í eigin hendur. Eftir að hafa gramsað dágóða stund í kubbafötunni sinni var afraksturinn þessi glæsilegi Camaro sportbíll.

Bíllinn er smíðaður úr techno legokubbum og sagt er að hann geti gengið fyrir eigin vélarafli. Og það er ekkert draslu undir kubbahúddinu, heldur V8 lego vél sem er tengd við 6 gíra gírkassa með bakkgír. Smiðurinn kallar sig Crowkiller og merkilegt nokk, þá er hann ekki starfsmaður hjá Lego.

           

Hver segir svo að það sé ekki gaman að kubba?

Króm-Hjörturinn

Chevy El Camaro pallbíll

Munið þið eftir gömlu Chevy El Camino pallbílunum frá áttunda áratugnum? Það voru aldrei margir á götunum hér á landi, en þó einhverjir. Og ég veit um alla veganna einn sem enn er til.

GM hefur ekki birt neinar áætlanir um að endurvekja slíkan bíl en það þýðir samt ekki að það sé ekki hægt að láta sig dreyma. Einn photoshop-fær bílaáhugamaður hefur teiknað hann upp eins og hann gæti litið út, byggður á hinum nýja Chevrolet Camaro. Sami framendi en pallur að aftan. Og það verður að segjast eins og er að útkomandi er bara ansi laglegur pallbíll.

Króm-Hjörtur

(via Autoblog)

Cadillac CTS valinn bíll ársins í Bandaríkjunum

Í fyrsta sinn síðan 1998 var það amerískur bíll sem var valinn bíll ársins af hinu virta bílablaði Motor Trends. Síðast var það Chevrolet Corvette en eftir heilan áratug af þýskum og japönskum bílum tókst Cadillac CTS að hreppa titilinn.

Loksins hefur GM tekist að smíða aftur alvöru ameríska lúxuskerru sem kemst í hóp þeirra bestu í heiminum í dag. Kannski er komið að því að bandaríska bílarisanum takist að snúa við fallandi veldi sínu og sækja aftur á, með ódýrum litlum Chevrolet bílum, umhverfisvænum stórum jeppum og alvöru lúxusbílum.

2008 árgerðin af Cadillac CTS er mjög vel búinn lúxusbifreið með öflugri 263 hestafla VVT V6 sem staðalbúnaði eða enn öflugri 304 hestafla V8. Og verðið er bara svipað og á þristinum frá BMW. Hér er því kominn bíll sem er samkeppnishæfur við eðalvagnana frá Bæheimi en á mun betra verði, ekki hvað síst eins og dollarinn er núna. Þú getur auðveldlega þekkt nýju línuna frá Cadillac á götunum á LED ljósaseríunum sem eru bæði í framljósunum og afturljósunum og gefa bílnum eftirtektarvert útlit.

Smelltu á myndirnar til að sjá þær stórar

Króm-Hjörturinn
(via Motortrend.com)

"Grænn bíll ársins" í Bandaríkjunum

Á bílasýningunni í LA sem nú stendur yfir tilkynnti tímaritið Green Car Journal hver væri hinn græni bíll ársins. Öllum að óvörum var það ekki lítill, nettur örbíll sem gengur fyrir loftbólum heldur bíll sem er raunverulegur valmöguleiki fyrir fjölskyldur í fullri stærð. Vinningshafinn var 2008 árgerð af Chevrolet Tahoe Hybrid bílnum, 8 manna jeppa í fullri stærð.

Hönnuðurnir hjá GM hafa lagt mikið á sig til að ná fram aukinni hagkvæmni í bílnum. Auk þess að vera knúinn tvinnvél ekki ósvipaðri og Toyota hefur verið að nota í Prius og sumum af Lexus bílunum hafa þeir minnkað loftmótsstöðu og létt bílinn verulega. Grillið hefur verið minnkað, stuðarinn að framan lækkaður og vélarhlíf og skottlok eru úr áli. Bíllinn er ekki í boði með "þungum" aukabúnaði eins og rafmagnsopnurum á skottloki og rafmótorum á sætum til að leggja þau niður. Bíllinn skilar sömu aksturseiginleikum og bensínbíllinn og getur dregið allt að 3 tonn. Ástæðan fyrir því að hann getur ekki dregið meira er ekki skortur á afli heldur lítið grill að framan og þar af leiðandi minni vélarkæling. Eitthvað sem er kannski ólíklegt að vera til vandræða í köldu loftslaginu hér á Norðurhjara.

Kíkið á myndbandið og sjáið gripinn með eigin augum.

Króm-Hjörturinn
(via Trendhunter.com)

ps. heldurðu að þetta bjargi jeppanum frá útrýmingu? Þú getur sagt þitt álit inn á spjallinu á Króminu.