Króm

Lögreglan í Reykjavík sendir bílaþjóf einn hring í loftinu

Króminu hefur borist þetta myndband úr eftirlitsmyndavél í lögreglubíl í Reykjavík. Myndbandið sýnir bílaeltingaleik þar sem fjöldi lögreglubíla tekur þátt í eftirför á eftir bílaþjóf á Toyota Land Cruiser. 

Eftirför lögreglunnar virðist vel skipulögð og bílaþjófurinn er tekinn úr umferð á mjög snyrtilegan hátt í lokin. Bravó!

 

Króm-Hjörturinn

- Fylgist með Króminu á Facebook!

"Happy hour" sem feilar!

 Happy hour í kvöld? Hér er alveg ný nálgun á auglýsingu til varnar akstri undir áhrifum áfengis. Ekkert blóð, engar sírenur, engin glerbrot. En áhrifarík saga engu að síður sögð með hjálp twitter, foursquare, facebook, linkedin og heimabankans:

Góða helgi

Króm-Hjörturinn

Klikkaður VIP bíll í Japan

Japanir hafa sína menningu í breytingum á bílum og hér er einn sem náðist á mynd á hraðbraut í Japan sem er svolítið ýktur í því sem hann gerir:

Öllu má nú ofgera :)

Króm-Hjörturinn

Trukkur ók á 100 km hraða með bíl fastan á stuðaranum

Ökumaður flutningabíls varð einskis var þegar hann ók inn í hliðina á Renault Clio smábíl á breskri hraðbraut á dögunum. Hann hélt ótrauður áfram á 60 mílna hraða, um 100 km hraða á klukkustund með bílinn fastan á framstuðaranum. Aðrir vegfarendur sáu bílinn og reyndu að gera ökumanninum viðvart án árangurs. Einn vegfarandi náði þessu myndbandi af bílnum:

Ekki er vitað hvernig smábíllinn festist framan á flutningabílnum né hversu lengi var ekið með hann svona. Ökumaður Renault bifreiðarinnar slapp án teljandi meiðsla frá árekstrinum.

Króm-Hjörturinn

(via dailymail)

Föstudagsumferðin: þegar flutningalestir eru hluti af umferðinni

Kannski er bara ágætt að það séu ekki lestir á Íslandi. Hugsið ef þær væru hluti af umferðinni á föstudagseftirmiðdögum. Þær eru það víða og oft fylgir því talsverð hætta, eins og við sjáum á þessu myndbandi. Aftanákeyrslur fylgja oft mikilli umferð og það er ekki gott að fá mörg þúsund tonna flutningalest aftan á sig, þó þú sért á 18 hjóla trukk:

Króm-Hjörturinn

Sumarið er komið og við erum "Hooked on a feeling" :)

Komið logn, sól og skólarnir smám saman að fara í frí. Það er komið sumar og ekki hægt annað en að vera í góðu skapi í dag. Í tilefni af því og til að skapa réttu stemninguna í föstudagsumferðinni, langar mig að deila með ykkur þessum klassíker frá engum öðrum en sjálfum David Hasselhoff: Hooked on a feeling!

Hann er óviðjafnanlegur :) Það er ekki hægt annað en að elska manninn <3

Króm-Hjörturinn

Nokkrir góðir - og langir - fyrir föstudagsrúntinn

Þar sem við sýnum ykkur yfirleitt einhverjar skelfilegar umferðarupplifanir á föstudögum, þá er kominn tími til að við sýnum hvernig maður getur notið föstudagsumferðarinnar. Þó þú lendir í tveggja tíma teppu einhvers staðar ætti ekki að væsa um þig í þessum:



Króm-Hjörturinn

Föstudagsumferðin - dekkjaskipti í Katmandu á 90 sek.

Þegar stressið og umferðin er mikil er spurngið dekk alveg til þess að kóróna daginn. Hér er myndband úr æsilegri leigubílaferð í Katmandu í Nepal sem endar með sprungnu dekki. Og hvað gera menn þá?



Njótið kyrrðarinnar í föstudagsumferðinni á Íslandi :)

Króm-Hjörturinn

Föstudagsumferðin í Bagdad

Þó umferðin sé víða að skána í kreppunni, þá getur hún stundum reynt á. Ég held við getum nú samt verið fegin að herinn er farinn, ef þetta er hvernig þeim er kennt að komast áfram í umferðinni. Það væri ekki gaman að hafa einn svona á eftir sér á Miklubrautinni:



Króm-Hjörturinn

Biluð umferð á Indlandi

Hvað ætli maður væri oft dáinn við að reyna að komast þarna yfir? Óskiljanlegt!

Og svo hélduð þið að Hringbrautin væri slæm ...

Króm-Hjörturinn

Krómið er hluti af Vefjakrot.is og er einn mest lesni bílavefur landsins. Þú getur fengið greinarnar í RSS áskrift eða í tölvupósti með því að skrá netfangið þitt hérna efst til hægri.