Króm

Fallegustu bílar sögunnar keppa á Ítalíu

Fallegustu bílar sögunnar er árlega sýndir á sýningunni Concorso D'Eleganza á Ítalíu. Að þessu sinni stillti BMW, styrktaraðili sýningarinnar fram tveimur bílum sem vöktu sérstaka athygli. Annars vegar var það uppgerður BMW 328 sportbíll frá árinu 1940 en slíkur bíll hefur ekki sést á sýningu í áratugi. Ekki nóg með það, heldur frumsýndi BMW líka nýja endurgerð bílsins:

Ekki amalegir bílar þar á ferð :)

Króm-Hjörturinn

Fornbílarallý HERO á Íslandi

Fornbílarallý HERO (the Historic Endurance Rallying Organisation) á Íslandi, (The HERO Classis Reliability Trial of Iceland) hófst við Ráðhúsið klukkan 9 í morgun. Í rallýinu mega eingöngu fornbílar taka þátt en það gengur meira út á ferðamennsku en hraðakstur. Í dag var fyrsti dagur rallýsins og var ekinn hringur frá Reykjavík til Þingvalla og þaðan áfram á Gullfoss og Geysi og tilbaka í átt að Reykjavík og endað í Bláa Lóninu.

Á morgun verður svo ekið frá Reykjavík og austur á Kirkjubæjarklaustur og síðan haldið áfram næstu daga eftir hringveginum. Ekinn verður allur hringurinn og endað við Perluna í Reykjavík seinni partinn á föstudag, 12. september. Hægt er að sjá dagskránna og viðkomustaði hér!

Alls eru 65 lið sem taka þátt í rallýinu frá 10 þjóðlöndum og ýmis konar fornbílum. Elsti bíllinn í flotanum er Bentley Tourer af 1928 árgerð en yngsti bíllinn er frá 1982. Ýmsa klassíska bíla má finna í flotanum, eins og Citroen bíla, Volvo kryppu og Volvo sportbíl eins og dýrlingurinn ók á, bjöllu, Jagúar, Triumph, Morris, MG, Aston Martin, Austin Mini og fleiri. Flestir eru bílarnir frá Bretlandi.

Þið getið skoðað fleiri myndir í gallerýinu.

Gallerý

Króm-Hjörturinn

Krómið er hluti af Vefjakrot.is og er einn mest lesni bílavefur landsins. Þú getur fengið greinarnar í RSS áskrift eða í tölvupósti með því að skrá netfangið þitt hérna efst til hægri.

Stórmerkilegur viðarbíll smíðaður í Úkraínu

Handlaginn úkraínskur heimilisfaðir sagði upp vinnunni, seldi bílana sína tvo og eyddi einu og hálfu ári í smíða þetta farartæki:

Afraksturinn er þessi stórglæsilegi spýtubíll sem er allur úr eik. Önnur hliðin er nútímaleg lúxusbifreið á meðan hin hliðin er gamaldags blæjubíll. Samt sem áður passa þeir glettilega vel saman. Þannig séð.

Undir vélarhlífinni er vél úr Opel 1981 sem skilar 100 hestöflum. Smiðurinn segist vera tilbúinn til að selja gripinn ef hann fær nægilega mikið fyir hann til þess að fjármagna næsta leyniverkefni sem hann er að byrja á í skúrnum sínum.

Króm-Hjörturinn (via Trendhunter)

Mis-glæsilegir gamlir bílar í Havana á Kúbu

Í tilefni dagsins ætla ég að sýna ykkur myndaseríu af gömlum bílum í misjöfnu ástandi frá götum Havana. Nú þegar Fidel Castro hefur sagt af sér veit maður ekki hversu lengi þessi gamla götumynd mun halda sér, þannig að njótum þess sem er að njóta á meðan hægt er.

Gleðilega páska
Króm-Hjörturinn

10 ljótustu bílar í heimi

Bílar eru misfallegir, og sumir beinlínis ljótir. Jafnvel alveg forljótir. Nýlega gerði Hagerty Insurance, tryggingafélag sem sérhæfir sig í tryggingum á safnarabílum, könnun meðal 2500 spekinga á því hverjir væru 10 verst hönnuðu bílarnir. Bílar sem skoruðu vel voru "narða-bílar" áttunda áratugarins auk nokkurra annarra. Meðal nýrra bíla var aðeins einn sem komst á blað, Pontiac Aztec jepplíkið, sem að mínu mati er ljótastur þeirra allra.

AÐVÖRUN! Ljótir bílar. Ekki fyrir fagurkera eða viðkvæma bílaunnendur.
Smelltu hér til að skoða myndaalbúmið ef þú þorir.

Króm-Hjörturinn
(via Business week)

Hugmyndabílar Ford á sjöunda áratugnum

Það er alltaf gaman að skoða hugmyndabíla og sjá hvernig menn sjá framtíðina í bílum fyrir sér. Og það er ekki síður gaman að skoða gamla hugmyndabíla og sjá hvað hefur ratað á markað og hvernig menn sáu fyrir sér að hlutirnir yrðu, þegar við vitum svarið í dag.

Myndbandið hér að neðan er um hugmyndabíla Ford á sjöunda áratugnum og þar má meðal annars sjá frumútgáfur Ford Mustang sportbílsins sem orðið hefur að goðsögn. Á þessum tíma var Ford undir stjórn Lee Iacocca. Hann tók síðar við stjórnartaumunum í Chrysler og sneri við rekstri fyrirtækisins með bílum eins og Dodge Caravan sem er mest seldi fjölnotabíll í heimi. Kíkið á hugmyndirnar, þær eru margar ansi skondnar.

Króm-Hjörturinn