Grænjaxlinn

Óþægar plöntur

Sumar plöntur eru óþægari en aðrar plöntur. Hér eru nokkur skemmtileg sýnishorn af plöntum sem eru ekki allar þar sem þær eru séðar:

 

 

Hver segir svo að náttúrulegt geti ekki verið sexý ;)

Hjörtur

The Dark Side of the Planet Earth

Ég rakst á þetta myndband sem er Planet Earth frá BBC, en með The Dark Side of the Moon með Pink Floyd sem "soundtrack" yfir. Kemur ótrúlega vel út :)

The Dark Side of Planet Earth from allan corbett on Vimeo.

Njótið vel!
Hjörtur

Rak 45 km á ísjaka með þremur ísbjörnum

Hinn 17 ára Jupi Angootealuk frá Nunavut komst lífs af úr ótrúlegri lífsreynslu út af Hudson flóa í Kanada. Hann hafði verið á veiðum með 67 ára frænda sínum þegar vélsleði þeirra bilaði. Þeir ákváðu að ganga til næsta byggða bóls sem var í um 18 km fjarlægð en á leiðinni misstu þeir hvor af öðrum. Þegar frændinn fannst var hinn unga Jupi hvergi að sjá.

Ísinn hafði brotnað upp í kringum Jupi og hann hafði endað á stórum ísjaka sem rak í burtu út á haf. Ekki nóg með það að hann væri að reka á haf út á ísjaka í 20 stiga frosti, heldur reyndust vera þrír ísbirnir með honum á jakanum, móðir með tvo húna. Jupi hafði enn veiðiriffilinn sinn meðferðis og skaut móðurina þegar hún gerðist of nærgöngul en lét húnana vera, enda þeir hættuminni.

Frænda Jupi var bjargað en Jupi fannst hvergi. Það var því leitað aðstoðar hjá Kanadíska flughernum sem sendi leitarflugvélar af stað. Seint á sunnudag sást til Jupi á ísjakanum en ekki tókst að bjarga honum. Á mánudaginn, þegar Jupi hafði verið tvo sólarhringa á reki á jakanum fann flugherinn hann aftur og sendi fallhlífahermenn niður honum til aðstoðar. Alls hafði Jupi rekið 45 kílómetra á ísjakanum þegar honum var bjargað, köldum og þrekuðum.

Hjörtur

ps. munið að gerast fans á Facebook til að fá reglulegar uppfærslur ==>

Björgum Jörðinni!

Eða er það bara hræsni að halda plánetan sé undir okkur komin, en ekki öfugt?

Nokkrar skemmtilega framsettar hugleiðingar um plánetuna og mannfólkið frá Georges Carlin


Hjörtur

Earth Hour kl. 20:30 í kvöld - 60 mínútur í myrkri

Andri Snær Magnason stóð fyrir því að slökkt væri á Reykjavík í klukkustund í september 2006. 31. mars 2007 gerði Sidney hið sama og ári seinna voru 60 borgir um allan heim sem slökktu öll ljós í klukkustund. Í dag, 28. mars 2009, er aftur komið að þessum 60 mínútum þar sem fólk um allan heim slekkur ljósin í virðingarskyni við umhverfið. Tekur sér 60 mínútur frá hraða og munaði rafmagnsins og hugsar aðeins um önnur gæði lífsins.



Hjörtur

Hrist upp í brúðkaupsmyndunum

Ýmsar myndir hafa birst úr jarðskjálftunum ógurlegu sem riðu yfir Sichuan hérað í Kína þann 12. maí síðastliðinn. Meðfylgjandi myndir eru brúðkaupsmyndir sem teknar voru fyrir utan kirkju í Pengzhou daginn örlagaríka. Þetta par var það síðasta sem gifti sig í þessari kirkju, þar sem hún hrundi á meðan Wang Qiang smellti af myndum af hinum nýpússuðu hjónum fyrir framan kirkjuna. Þetta eru magnaðar myndir af því hvernig hamingjuríkasta stund í lífi ungs fólks umbreytist í þá skelfilegustu. Nokkuð ljóst að þetta er dagur sem aldrei gleymist.

Hjörtur