Grænjaxlinn

Éta óboðna gesti

Veitingastaðurinn The County Butchers í Kingsley Village, Cornwall býður nú upp á bökur með gráum íkornum sem hluta af villibráðinni sinn. Á meðan yfirvöld reyna að útrýma hinum óboðnum með gildrum og eitri, hafa sumir tekið upp á því að veiða þau til átu. Enda engin ástæða til að láta góða steik fara til spillis, sérstaklega á þessum tímum.

Ben Carter er líffræðingur og starfar í fiskistjórnun. Hann veiðir ameríska vatnakrabba sem er óvinsæll í breskum ám og býður veitingastöðum til kaups sem "gourmet" mat. Og hefur bara gott upp úr því. Hann er reyndar sá eini sem hefur leyfi til að veiða þennan krabba.

Carter segir þetta vera alveg upplagt. Hann hafi hemil á umhverfisvandamáli, skaffar dýrindismat fyrir veitingahús, fitulítinn og sem fluttur er stuttar vegalengdir.

Villtar dýrategundir hafa nú ekki verið mikið vandamál hér, ef frá eru taldir tveir eða þrír ísbirnir síðasta sumar, og kannski einhverjar fuglategundir. Annað mál er hins vegar með plöntutegundir. Það er spurning hvort að lesendur lumi á einhverjum góðum uppskriftum þar sem notað er "aðskota-hráefni". Ef svo er, endilega deilið þeim með okkur hér í athugasemdunum að neðan.

Hjörtur

Grænt lífrænt vín

Úrvalið af vörum og vöruflokkum sem bjóða upp á "grænar" umhverfisvænar eða lífrænt ræktaðar vörur eykst stöðugt. "Íslandsvinirnir" í Whole Foods í Bandaríkjunum, sem er þekkt fyrir áherslu sína á lífrænt ræktaðar afurðir, býður nú upp á lífrænt ræktuð vín under merkinu Green Path.

Þetta er vín frá Ástralíu sem er unnið úr lífrænt ræktuðum vínberjum og er með sterku ávaxtabragði. Boðið er upp á bæði Chardonnay og Shiraz vín. Víninu er pakkað í 750 ml TETRA PRISMA pappaumbúðir frá Tetra Pak sem eru mun umhverfisvænni en hefðbundnar glerflöskur, léttari og umhverfisvænni í flutningi og endurvinnanlegar. Framleiðsluferlið allt er eftir ströngustu umhverfiskröfum og er t.d. einungis notaðir 400 ml af vatni í hvern líter af víni.

Hjörtur
(The Country Vintner via Trendhunter.com)

Grænar pizzur

Það er hægt að fá allt ofan á pizzu, þannig að það var kannski bara tímaspursmál hvenær pizzurnar yrðu grænar og umhverfisvænar. Pizza Fusion er ný, ört vaxandi pizzukeðja sem stofnuð var af tveimur háskólanemum í Fort Lauderdale í Florida. Pizza Fusion býður upp á nýjung í heimsendum pizzum. Grænar pizzur. Öll orka við eldun er framleidd með vindmyllum, hráefnið í botninn og sósurnar er lífrænt ræktað. Grænmetið er lífrænt ræktað. Kjúklingurinn er lífrænt ræktaður og
fær að ganga um frjáls í staðinn fyrir færibanda kjúkling úr búrum og nautakjötið er líka vottað lífrænt ræktað án allra hormóna, lyfja, skordýraeiturs og annars sem oft fylgir nautakjöti. Ekki nóg með það, heldur er pizzan keyrð heim á Toyota Prius hybrid bíl. Betra getur það varla orðið.

Bjargið Jörðinni, eina pizzu í einu!

Hjörtur