Grænjaxlinn

Veit einhver um grænan penna?

Ég er að leita að grænum penna. Ekki kúlupenna, heldur góðum penna sem hefur brennandi áhuga á grænum lífsstíl og umhverfismálum.

Ef þú ert slíkur penni og hefur áhuga á að skrifa um þessi málefni hér á Grænjaxlinum, hafðu þá endilega samband. Þú getur sent mér póst á hjortur (at) scope.is með upplýsingum um þig, af hverju þú hefur áhuga á að skrifa hér og tenglum yfir á texta sem þú hefur skrifað.

Hjörtur

ps. penninn á myndinni er handunninn penni úr ormétnum rekavið. Í alvörunni. Íslensk hönnun úr íslenskum rekaviði frá Síberíu.

Dagur Jarðar - 22. apríl

Í dag, 22. apríl er dagur jarðar. Saga dagsins á rætur að rekja til ársins 1970 og er markmið hans að vekja athygli á umhverfismálum. Í ár eru það loftslagsmálin sem eru í brennidepli.

Ef þú hefur áhuga á að vita meira hvað þú getur gert til þess að bæta umhverfið, þá er Amazon með tilboð á  bókum í tilefni dagsins sem gildir til 23. apríl. Þú getur kíkt á þessar bækur:

       

Þið getið svo dundað ykkur við að lesa þetta í sumar. Ef þið munið eftir fleiri áhugaverðum bókum um málefnið, segið okkur frá þeim í komments.

Hjörtur

Sumir eru einfaldlega grænni en aðrir

Flestir eru að reyna að verða grænni með einum eða öðrum hætti. Af hverju ekki að læra af þeim sem grænastur er, sjálfum Skrekk! Hérna eru nokkur góð ráð frá meistara Skrekki um hvernig þú getur lifað grænna lífi:

Hjörtur