Dótakassinn

Vissir þú að ...?

við erum í miðri byltingu. Upplýsingabyltingu.



Hjörtur

Mitsabishi Printer Jam - Þetta fær nördana til að dansa

Nördarnir hafa sinn eigin kúltur. Þetta er popp kúltúrinn þeirra, það sem fær nördana til að dansa :



Horfðu á það aftur. Og aftur. Tónlist í eyru nördanna :) Lagið er eftir Mistabishi og er af nýútkominni plötu hans Drop frá Hospital Records.

Hjörtur

Twitter útskýrður með teiknimynd

Nýjasta æðið í Bandaríkjunum er Twitter örbloggsamfélagið. Twitter virkar þannig að fólk segir frá því sem það er að gera í 140 slögum og aðrir gerast áskrifendur að því. Ekki er talað um annað en Twitter í netheimum og að enginn sé maður með mönnum nema hann greini alheimi frá öllu því hversdagslega sem á daga hans drífur með hjálp Twitter og safni áskrifendum. Þessi teiknimynd útskýrir á skemmtilegan hátt hvernig þetta virkar:

Hjörtur

ps. Vefjakrotið er að sjálfsögðu komið á Twitter @vefjakrot

Nýr "skotheldur" sími á markaðinn í Bandaríkjunum

Þegar maður er að drösla símanum sínum með sér við ýmsar aðstæður þá þurfa þeir stundum að geta þolað talsvert mikið hnjask. Í Bandaríkjunum er kominn á markað nýr sími sem heitir Sonim XP1 sem á að þola allt. Samkvæmt auglýsingunum á hann að geta stöðvað 9mm byssukúlu, svo sterkbyggður er hann.

Þegar strákarnir á gadgetreview fengu slíkan síma til prófunar, þá var náttúrulega ekki spurning í hverju það próf myndi felast. Síminn skyldi skotinn. Hér sjáum við afraksturinn:

Maður á kannski ekki að trúa öllu sem sagt er í auglýsingunum :)

Hjörtur

Steve Jobs hættir hjá Apple af heilsufarsástæðum

Steve Jobs sendi út tilkynningu í dag þess efnis að hann væri að fara í tímabundið veikindaleyfi. Samkvæmt yfirlýsingunni er um 6 mánaða tímabil að ræða þar sem Steve þarf að einbeita sér að heilsunni. Fréttirnar höfðu strax þau áhrif að bréf félagsins féllu um 10%.

Hér að neðan fylgir  bréfið sem Steve Jobs sendi til starfsmanna Apple í dag ásamt myndum af Steve Jobs þar sem sjá má breytinguna á honum á síðustu 12 mánuðum:

Team,

I am sure all of you saw my letter last week sharing something very personal with the Apple community. Unfortunately, the curiosity over my personal health continues to be a distraction not only for me and my family, but everyone else
at Apple as well. In addition, during the past week I have learned that my health-related issues are more complex than I originally thought.

In order to take myself out of the limelight and focus on my health, and to allow everyone at Apple to focus on delivering extraordinary products, I have decided to take a medical leave of absence until the end of June.

I have asked Tim Cook to be responsible for Apple’s day to day operations, and I know he and the rest of the executive management team will do a great job. As CEO, I plan to remain involved in major strategic decisions while I am out. Our board of directors fully supports this plan.

I look forward to seeing all of you this summer.

Steve

Ertu Makki - eða ertu PC? Það er spurningin ...

Þessar eru algjör klassík. Einfaldar. Ódýrar. Skemmtilegar og svínvirka.



Svo satt :)

Hjörtur

Hátalarar með innbyggðum bjórkæli

Hvernig er hið fullkomna partýtæki? Það þarf væntanlega að innihalda góð hljómflutningstæki með geislaspilara og mp3 spilara, sterka hátala og ...hmm, hvað með bjórkæli? Jú, og vera á hjólum svo auðvelt sé að draga það úr einu partýinu í annað.

Boomcooler er nákvæmlega svona tæki. Boomcooler er með innbyggðu Sony Xplod hljóðkerfi sem sér um að halda uppi stemningunni. Hljóðkerfið er með AM/FM útvarpi, geislapilara, tengi fyrir iPod og Sirius gervihnattaútvarp, 10" subwoofer og tveimur 6" x 9" hátölurum og magnara.

Síðan skellirðu veigunum bara í kælinn og þú ert klár í fjörið. Með svona tæki, gætirðu jafnvel orðið vinsælli en strákurinn með gítarinn ;)

Hjörtur
(via TrendHunter)

Hönnuður Furby segir frá nýjasta leikfangi sínu

Caleb Chung, hugmyndasmiðurinn og hönnuðurinn á bak við Furby fígúruna sem fór sigurför um heiminn jólin 1998, kynnir hér hvernig hann þróaði nýjasta leikfangið sitt, risaeðluna Pleo. Lykilinn í sköpunarferlinu er segir hann vera samspil lista og vísinda. Hvor hluti er um 10 mínútna langur.

Fyrri hluti Seinni hluti Hjörtur

Sólarorkubekkur fyrir sólbaðið

PC World hefur hannað Tech Chair, sólbaðsbekk fyrir tæknigellur. Bekkurinn er þakinn sólarrafhlöðum að ofan og framleiðir rafmagn fyrir öll þau tæki og tól sem þú vilt nota á meðan þú sólar þig. Svona ef sólin skyldi endast lengur en rafhlaðan þín.

Bekkurinn er með ýmsum innbyggðum tækjum eins og GPS, hátölurum, WiFi og Bluetooth loftneti og sérstöku borði fyrir fartölvur. Auk þess er bekkurinn með tengjum fyrir mp3 spilara, heyrnatól, myndavélar og innstungur fyrir önnur raftæki.

Til þess að þú getir nú séð eitthvað á skjáinn á fartölvunni þinni á meðan þú liggur í sólbaði, er stóllinn útbúinn skyggni sem færist með sólinni til að þú getir séð betur á skjáinn.

Hjörtur

Vefjakrot.is

Gagnaflutningur með einu handtaki

Þetta er jafnvel betra en í James Bond myndunum. Japanska fyrirtækið "The Nippon Telephone and Telegraph Company" (sem er líklegast japanski landsíminn) hefur þróað búnað sem gerir fólki kleyft að flytja gögn með snertingunni einni saman.

Gögnin eru geymd í Firmo, litlu tæki sem þú getur verið með í vasanum. Þessum gögnum er svo breytt í daufan rafstraum sem er sendur út í húðina. Svo þegar þú snertir eitthvað tæki sem hefur móttakara þá flytjast gögnin yfir og eru lesin af móttakaranum.

Enn sem komið er hraðinn ekki nema 230 kb á sekúndu en verið er að þróa lausn sem getur flutt allt að 10 mb á sekúndu þannig að hægt verður að flytja myndbönd og stærri skrár á milli með snertingunni einni saman.

Hjörtur
(via Trend Hunter)